MERALYS HA SPREJ ZA VOZRASNI

Meralys HA 1 mg/ml назален спреј содржи активната супстанција ксилометазолин хлорид, која спаѓа во групата на лекови наречени симпатомиметици. Ксилометазолин хлорид помага во стеснување на крвните капилари во носот, а со тоа го намалува отокот на носната слузница, што го олеснува дишењето. Meralys HA 1 mg/ml назален спреј содржи и хијалуронска киселина (во форма на натриум хијалуронат) која ја штити и навлажнува носната слузница. Се користи за намалување на отокот на слузницата на носот предизвикан од воспаление на слузницата на синусите (синузитис) или воспаление на слузницата на носот (ринитис).

Употреба: Meralys HA 1 mg/ml назален спреј, раствор се користи за третман на возрасни и адолесценти над 12 години, 3 пати дневно по едно распраскување.